Binilin ni Presidente Bongbong Marcos dagiti maseknan nga ahensia ti gobierno a mangsapul iti wagas tapno saan a kumaro ti oil spill manipud iti limned nga oil tanker sadiay Limay, Bataan a naglugan iti 1,494 metric tons ti industrial fuel.
Iti naangay a situation briefing, pinagtignay ti presidente ti Department of Environment and Natural Resources (DENR) tapno mangisayangkat iti assessment iti posible nga epekto ti oil spill iti aglawlaw.
Inspeksionen pay ti presidente ti DENR babaen ti pannakitinnulong ti Department of Science and Technology (DOST) iti panaggaraw dagiti dalluyon, ti lebel ti danum iti taaw ken no sadino pay ti mabalin a pagdissuan wenno dumanonan ti oil spill.
Imbilin pay ni PBBM iti Philippine Coast Guard (PCG) nga agtultuloy ti pannakipagtrabaho iti pribado a sektor tapno masolbar ti parikut.
