Imbilin ni Presidente Ferdinand Marcos Junior iti full implementation ti Sagip Saka Act babaen ti panangpermana iti maysa nga Executive Order No. 101 tapno siguradoen iti nangatngato a produksion ti taraon, natibker a presio, ken nasaysayaat a pagbiagan para kadagiti mannalon ken mangngalap.
Iti sidong ti EO 101, nabilin dagiti amin nga ahensia ti gobierno, GOCCs, SUCs, ken LGUs nga ipatungpal iti Sagip Saka Act (RA 11321), nga addaan panggep a parang-ayen dagiti negosyo pang-agrikultura ken kasidaan babaen ti panagsanay, suporta iti merkado, ken direkta a panaggatang ti produkto manipud kadagiti kooperatiba ti mannalon ken mangngalap.
Intuding met ti EO a mangipasdek iti Department of Agriculture dagiti Sagip Saka Desks kadagiti rehiyon tapno agserbi kas sentro ti impormasion ken koordinasion.
Segun ti Presidente, napateg daytoy nga addang tapno makissayan iti rigat iti sektor ti agrikultura ken kasidaan, ken masigurado iti umdas a suplay ti makan ken inklusibo a panagdur-as.###
