Pinasingkedan ni Palace Press Officer USec. Claire Castro nga imbilin ni Presidente Ferdinand Marcos Jr. iti panangbuangay ti crisis management committee a mangipamaysa iti pagkasapulan dagiti umili, kasaruno ti mapadpadasan a krisis idiay Middle East a nangapektar iti Pilipinas.
Imbutaktak ni Castro nga adda ti inggemna a draft iti panangbuangay ti Crisis Committee iti kangitingitan dagiti mapaspasamak a development idiay Middle East.
Segun kenni Castro, sakbay pay nga adda ti nangirekomenda ti crisis committee ket nalpasen nga imbilin ti Presidente.
Maisapinal daytoyen ken inkarina a mangiruar isuna ti detalye maipapan ditoy iti kanito a naan-anayen a malpasan iti linaun ti draft.
Innayon na pay a kadagiti sumaruno nga aldaw ket posible nga ipadamag daytoy ti Palasyo no sino ti posible a mangidaulo iti komite.###
