BR LA UNION – Agtaltalinaed a kangrunaan a prayoridad ni President Ferdinand R. Marcos Jr. iti kinatalged ken pagimbagan dagiti residente a naapektaran ti 7.4 magnitude a gingined a timmama idiay Davao Oriental idi Oktubre 10.
Segun kenni Presidential Communications Office (PCO) Secretary Dave Gomez, imbilin ti Presidente iti amin a maseknan nga ahensiya ti gobyerno nangruna dagiti adda iti frontline nga agtrabaho ti 24 nga oras tapno maisayangkat iti rescue ken relief operations.
Segun iti Philippine Institute of Volcanology and Seismology (Phivolcs), awan pakainaigan ti gingined nga agpigsa iti 7.4 a nangdayyeg iti Davao Oriental idi Oktubre 10 ken iti 6.9 magnitude a gingined a napasamak idiay Cebu idi Setyembre 30.
Inbilin ni Presidente Marcos kadagiti ahensiya ti gobyerno a mangipaay ti tulong iti amin a lugar a naapektaran kadagiti gingined.
