Inwaragawag ni Presidente Ferdinand Marcos Jr. iti masungad a groundbreaking ti baro a sanga ti Philippine General Hospital (PGH) idiay Carmona, Cavite ita a bulan ti Mayo.
Ti ospital ket addaan ti 200 a kama ken manamnama a mangipaay ti de kalidad a serbisio medikal idiay Cavite ken kabangibang a lugar.
Daytoy ti umuna a PGH a maibangon iti ruar ti Metro Manila a maysa nga addang tapno mayasideg iti serbisio ti salun-at iti ad-adu a Pilipino.
Impaganetget ti presidente a sungbat daytoy iti agtultuloy a panagdakkel ti populasion iti probinsia ken ti pagkasapulan a papigsaen dagiti pampubliko nga ospital.
Panggep ti proyekto a siguraduen ti nalaklaka a pannakagun-od kadagiti serbisio medikal ken dadduma pay a kangrunaan a kasapulan dagiti komunidad.###
