Impasigurado ni Presidente Ferdinand R. Marcos Jr. ti kinasagana ti Pilipinas a makitinnulong kadagiti amin a pagilian tapno ikkan ti bileg, panangalaga, ken itandudo ti pagsyaatan dagiti babbai.
Iti panagbetla na ti maika-70 a Sesyon ti Commission on the Status of Women sadiay headquarters ti United Nations idiay New York ita a Lunes (oras idiay New York), naipaganetget ti pannakipaset dagiti babbai iti panangbukel kadagiti napapateg a desisyon iti gobierno, negosyo, siensya, diplomasya, ken panangitandudo ti kinakapia.
Kinuna pay ni Presidente Marcos Junior a nasken nga ikagumaan ti Pilipinas a makaipaay ti edukasyon ken bileg ti ekonomiya dagiti babbai.
Innayon na a kas iti edukasyon ken napateg metlaeng ti economic power kasta met ti kaadda ti pantay nga access ti trabaho, finance, panagnegosyo, ken panagbalin a lider.
Nasken pay kunana nga agtalinaed nga agkaykaysa dagiti pagilian iti panagsango ti kinaranggas kontra babbai ti aniaman a klase, agsipud ta daitoy ket mangdaddadael ti dignidad, mangpakapsot ti komunidad, ken mangparupok ti pundasyon iti hustisya.
Imbatad ti Presidente a ti panagbalin a pantay ket agkasapulan ti panagbalbaliw kadagiti allagaden agraman ti kultura.
