Impasiguro ni Presidente Ferdinand Marcos Junior a nakasagana iti gobierno a sungbatan iti aniaman a pagkasapulan dagiti Pilipino mainaig paylaeng iti epekto ti Bagyong Crising.
Personal nga inispeksyon ti Presidente iti warehouse ti Department of Social Welfare and Development (DSWD) a pakaisaysayankatan ti repacking dagiti family food packs a maiwaras kadagiti apektado iti didigra.
Segun kenni Presidente Marcos, mangus-usaren ti baro a makinarya ti panag-repack kadagiti relief goods a buklen ti nagduduma nga health kits, sanitary kit, family dress kit, ken cooking set. Gapo iti baro a makinarya ket imbida ti Presidente a naparpartak itan ti panagrepack.
Mainayon iti dayta ket dagiti balde nga addaan iti filter a nu madalanan iti uray narugit a danum ket agbalin a nadalus ken mabalin pay nga mainom.
Segun iti Presidente, dakkel a banag dagiti balde nga addaan iti filter nangruna iti panawen ti panagbabagyo a narigat iti supply ti nadalus a mainom gapo iti panaglayus.
Iti agdama ket aganay tallo a milyon dagiti family food packs iti nakareserba malaksid pay iti P2.9B standby funds ti DSWD a panagalaan iti pondo apaman agkurang.
