Nagdeklara ni Presidente Ferdinand R. Marcos Jr. ti special non-working day kadagiti tallo a lokalidad kas panagrambak kadagiti anibersaryo ken espesial nga aldaw ti lugar.
Iti sidong ti Proclamation No. 1289, 1290, ken 1291, naideklara nga special non-working day iti Hunyo 15 idiay Bontoc, Southern Leyte para iti Founding Anniversary daytoy; Hunyo 22 idiay Malapatan, Sarangani kas panagrambak iti maika-57 nga anibersaryo ti pannakaipasdek ti ili; ken Hunyo 24 idiay Balayan, Batangas para iti tinawen a “Parada ng Lechon.”
Segun ti Malacañang, panggep dagiti proklamasion nga ikkan ti gundaway dagiti residente a makipaset ken agrambak kadagiti nasao nga okasion.
Pinermaan ni Acting Executive Secretary Ralph Recto dagiti pammilin idi Hunyo 4 iti bileg ti otoridad ti Presidente.###
