Inkari ni Presidente Ferdinand Marcos Jr. a padakkelen-na pay iti pondo para ti Socio-Civic Projects Fund (SCPF) inton 2027 no agballigi iti panangipatungpal ditoy.
Inaramid ti presidente iti waragawag iti turnover ti SCPF Financial Assistance idiay Tuguegarao City.
Segun kenni President Marcos, no nagbalin a naurnos iti implementasyon ti programa ken ad-ado a lugar iti agnumar, manayunan pay iti maitukon a pondo.
Imbaga-na met a nakasagana a tumulong ken dumngeg iti gobierno kadagiti tarigagay ti umili.
Pinaregta-na met dagiti presidential scholars idiay Cagayan a sayaaten iti panagadal tapno makatulong iti pamilya, kumunidad, ken iti pagilian.
Iti naangay a seremonya, nakaawat ti sag-200,000 dagiti 820 barangay idiay Cagayan babaen ti provincial governor, mayor ti Tuguegarao City, ken dagiti opisial ti Association of Barangay Captains (ABC).
Maibasar iti datos, nakairuaren ti SCPF-Bawat Barangay Makikinabang Program ti sag-P200,000 nga ayuda para kadagiti 7,933 barangay iti interon a pagilian nga addaan ti pakabuklan a ₱1.59 billion, agingga Mayo 14, 2026.
Iti pakabuklan a gatad, ₱100,000 iti naitukon para kadagiti proyekto a prayoridad ti barangay, bayat nga iti nabatbati a ₱100,000 ket para kagiti lima a Bagong Pilipinas Barangay Scholars a makaawat ti sag-₱20,000.###
