Inyangaw a binanatan ni Presidente Ferdinand Marcos Junior dagiti kongresista iti inagurasyon ti Farm Fresh Milk Plant idiay Pampanga.
Iti panagbetla ni Presidente Marcos ket kinablaawan na ti baro a kongresista a ni Nanay Representative Florabel Yatco, a maysa a chef.
Kinuna ti Presidente nga arig na ni Yatco iti mangpakpakan kadagiti dadduma pay a kongresista isu a nagsilukmegan dagitoy, banag nga iniseman laeng iti mamanday-linteg.
Maipalagip a mababalaw ita ti Kongreso gapo iti pannakairaman da kadagiti maanomalya a flood control projects dagiti sumagmamano a kongresista.
Kadagiti naglabas a reports ket sumagmamano kadagiti nasao a mamanday-linteg ket nainaganan pay ken direkta a a nainaig iti korapsyon kas isuda Representative Martin Romualdez ken sigud a Representative Elizaldy Co.
