Adu a negosyante idiay India iti nangipeksa ti interes a makataripnong ni Presidente Ferdinand Marcos Jr. iti nakatuding na a State Visit inton Agosto 4 agingga 8, agdama a tawen.
Segun kenni Foreign Affairs Asec Evangeline Ong Jimenez–Ducrocq, dagiti nasao nga Indian companies ket addan ditoy pagilian bayat a dagiti dadduma ket agsagsaganan a palawaen ti operasyon da ditoy Pilipinas.
Imbatad na a panggep ti administrasyon a maallukoy dagiti nasao a kumpaniya a palawaen ti panagpuonan da, banag a pumabor met para iti pagilian.
Daitoy ket agsipud ta iti Bangalore ket maibilbilang kas Silicon Valley ken nalatak iti tay-ak ti Information Communication Technology wenno sentro ti high technology innovation idiay India.
Dakkel iti maitulong na daitoy para iti Pilipinas para ti linya ti Information, innovation, ken high technology.
