Intantandudo ni Presidente Ferdinand R. Marcos Jr. iti kappia, inklusibo a panagdur-as, seguridad iti taraon ken enerhia, ken rules-based international order iti maika-18 a BRICS Summit idiay New Delhi, India.
Inbagi ti Presidente iti ASEAN kas agdama a Chair ti organisasion, ken panggepna nga iyeg iti BRICS dagiti prioridad ti Southeast Asia, agraman ti regional resilience ken sustainable development.
Segun kenni Marcos, napateg iti panagkaykaysa dagiti pagilian iti panangsungbat kadagiti karit a mangapektar iti sangalubongan nga ekonomia, nangruna kadagiti developing ken emerging economies.
Kinunana pay a dagiti prioridad ti Pilipinas kas ASEAN Chair ket maitunos iti tema ti India kas BRICS Chair a nakapamaysa iti resilience, innovation, cooperation ken sustainability.###
