Malaksid kadagiti pormal a panagsarita maipapan iti diplomasia, nagbalin a sentro ti atension iti naragsak a rabii ti panagkanta da Presidente Ferdinand “Bongbong” Marcos Jr. ken Japanese Prime Minister Sanae Takaichi iti opisial a pangbisita ti Presidente idiay Japan.
Iti maysa a video nga imbinglay mismo ni Prime Minister Takaichi, impasirip daytoy dagiti nagbalin a pasamak ken highlights ti state visit ni Presidente Marcos.
Karaman kadagiti nakaray-awan dagiti netizen iti kanito no sadino sabay a kinanta dagiti dua a lider iti sikat a kansion ti The Beatles nga “Hey Jude.”
Malaksid ditoy, nangeg met iti video iti panagkanta ni Presidente Marcos ti sumagmamano a linya manipud iti klasiko a kanta ni Eric Clapton a “Wonderful Tonight.”
Iti pakabuklan, nagbalin a produktibo met iti opisial a panagbisita ti Presidente idiay Japan.
Balligi nga inngato ti Pilipinas ken Japan iti lebel ti koneksion da agturong iti maysa a Comprehensive Strategic Partnership, nga addaan panggep a patibkeren pay iti kooperasion dagiti dua a pagilian iti ekonomiya, seguridad, ken dadduma pay a napapateg a sektor.###
