Immuna ni Presidente Ferdinand Marcos Jr. kadagiti nangangato nga opisyal nga addaan ti nangato a trust ken approval ratings, maibasar iti kauddian a nationwide survey ti RPMD Foundation Inc.
Nakaala ni PBBM ti 56% trust rating ken 58% approval rating.
Apagapaman met a bimmaba iti 51% ti approval rating ni Bise President Sara Duterte, ngem agtaltalined isuna nga addaan ti kangatuan a trust rating a 57% iti tengnga dagiti kontrobersiya ken saritaan ti impeachment.
Segun ti RPMD, pimmigsa iti suporta kenni Presidente Marcos Jr. iti Luzon ken sumagmamano a paset ti Mindanao, bayat nga agtaltalinaed iti suporta kenni Duterte idiay Mindanao.
Kabayatanna, nakaala ni House Speaker Bojie Dy ti 54% trust rating ken 56% approval rating, bayat a ni sigud a Senate President Tito Sotto ket addaan ti 51% trust rating ken 53% approval rating.
Iti hanay ti gabinete, immuna ni Department of Social Welfare and Development (DSWD) Secretary Rex Gatchalian kas top-performing Cabinet official, simmaruno da Department of Education (DepEd) Secretary Sonny Angara, Department of the Interior and Local Government (DILG) Secretary Jonvic Remulla, Department of Public Works and Highways (DPWH) Secretary Vince Dizon, Executive Secretary Ralph Recto, ken Department of Justice (DOJ) Secretary Eric Vida.
Naisayangkat iti survey manipud Abril 1 agingga Abril 8 kadagiti 5,000 respondents nationwide.###
