Kinablaawan ni Presidente Ferdinand Marcos Jr. ni Alex Eala kalpasan a nakastrek iti maikatlo a round ti Wimbledon, a nagbalin a kaunaan a Filipina a nakagun-od iti nasao a panagballigi.
Segun iti Presidente, pammaneknek ti panagballigi ni Eala a maysa daytoyen a world-class athlete ken inspirasion kadagiti agtutubo a Pilipino.
Inallukoy ni Marcos iti publiko nga itultuloy a suportaran ti agtutubo a tennis star, kagiddan iti panangibagana a sibubukel nga umili a Pilipino iti sumupsuporta iti tunggal laban para iti pagilian.
Kenuna pay ti Presidente nga adu pay ti ipakita ni Eala iti lubong ti tennis ken patienna a rugi laeng daytoy dagiti dakdakkel a gapuanan.
Innayon ni Marcos a nabuyana iti maudi a set ti laban ken nakaragsakan daytoy iti resulta, a kunana a naminsan manen a nangted pammadayaw iti Pilipinas.###
