Nagpakdaar ni Presidente Ferdinand Marcos Jr. iti publiko, kangrunaan kadagiti adda ti kabaelanna a gumatang ti ado, a liklikan iti panaghoard ti diesel iti tengnga ti agdama a sitwasyon iti suplay ti langis.
Segun ti Presidente, dagiti consumer nga addaan ti lehitimo a pagkasapulan laeng iti mapalubusan nga agurnong ti gasolina kas kadagiti mangngalap, marine equipment operators, dagiti ospital, ken dadduma pay nga agus-usar ti generator set para iti operasyon.
Kinondenar ti Presidente dagiti insidente ti panagtakaw iti gasolina ken dadduma pay nga iregularidad mainaig iti langis.
Impaganetget ti Presidente a makapaliday ken makapungtot dagiti report nga adda dagiti sumagmamano nga indibidual a manggundaway iti sitwasyon para iti personal a pagimbagan.
Kenunana, karaman kadagiti naipadamag ket ti panaglibas ti maysa a motorista kalpasan a nagkarga iti gasolina a saan a nagbayad ken illegal transfer ti diesel kadagiti pribado a lugan.
Impaganetget pay ti Presidente iti peggad a patauden ti saan nga umno a pannakaidulin ti diesel, a mabalin a pakaigapuan ti peggad kadagiti komunidad.
Napateg nga ikonsiderar iti kinatalged dagiti kaarruba ken liklikan dagiti aktibidad a mabalin a pakaigapuan ti aksidente.
Impanawagan pay ti Presidente ti bayanihan ken panagbalin a patas iti pada a tao.###
