BR LA UNION – Nagpanawagan ni President Ferdinand Marcos Junior kadagiti kaalyado a pagilian ken partners a suportaran ti Pilipinas iti candidacy na para iti United Nations Security Council seat para iti tawen 2027-2028.
Inaramid ni President Marcos iti panawagan iti naisayangkat a Vin D’Honneur idiay Palasyo ti Malakanyang idi rabii.
Segun iti Chief Executive, iti kandidatura ti Pilipinas ket nakasadag iti nalawa a kapadasan ti Pilipinas iti panagpursige ti kinakapya ken panagserrek iti katulagan kadagiti kaalyado na ken partners.
Impaganetget ti Presidente, a ti Pilipinas ket agtultuloy iti panagpatulod na iti peace keeping missions, pammaneknek a ti pagilian ket fully committed kadagiti addaing a mangilungalong ti kinakapya.
Indaulwan da President Ferdinand Marcos Jr. ken First Lady Liza Marcos iti tradisyunal a Vin D’Honneur idiay Palasyo ti Malakanyang idi rabii.
Imbida pay ni PBBM iti sango ti diplomatic corps iti sumay-sayaat nga economic performance ti Pilipinas.
Nagpanawagan pay ti Presidente ti ‘rules-based international order’ gaputa napateg daytoy tapno mapagtalinaed iti kinakapya ken panagdur-as iti ekonomiya iti pannakitinnulong dagiti kaalyado a pagilian ken dadduma pay partners.
