Mamati ni Presidente Ferdinand Marcos Jr. a nalawlawag iti proseso no personal a sumango ni Bise Presidente Sara Duterte iti Senate impeachment court.
Segun iti Presidente, nasaysayaat no direkta a sungbatan ti akusado dagiti alegasion imbes nga ibati kadagiti abogado. Nupay kasta, inlawlawagna a personal laeng nga opinion daytoy ken saan a legal a balakad.
Kenuna pay ni Marcos a no isuna iti adda iti kapada a sitwasion, pilienna iti sumango ken sungbatan dagiti alegasion uray maikontra daytoy iti balakad dagiti abogadona.
Binilin ti impeachment court ni Duterte a dumar-ay iti hearing inton Hulio 6, personal man wenno babaen ti abogado.
Iti biang ti depensa, kenuna ti abogadona a mabalin nga agparang no daytoy ti rekomendasion ti legal team.
Sumangsango ni Duterte kadagiti reklamo mainaig iti mapapati a di umiso a pannakausar ti confidential fund, saan a mailawlawag a kinabaknang, panangpasuksok, ken grave threats. Nainget na nga inlibak daytoy ken inawagan a “fishing expedition” dagiti imbestigasion ti Kamara.###
