Impasiguro ni Presidente Ferdinand Marcos Junior a pagsungbaten iti gobierno dagiti reports ti kaadda iti nakapsot a suppply ti danum ditoy pagilian.
Inwaragawag na iti maikauppat a State of the Nation Address (SONA) nga aramiden ti Local Water Utilities Administration (LWUA) amin a mabalin a wagas tapno mapirmis iti serbisyo ti padanum ditoy Pilipinas.
Impaganetget na a nasken a mapagsungbat dagiti nagbasol ken nagbiddut iti kangrunaan a kasapulan a napateg a serbisyo-publiko.
Nupay awan iti ninaganan na a kompanya ket siguden a kinuna ti LWUA nga imbestigaran da dagiti reklamo ti serbisyo ti Primewater Infrastructure Corporation a kukuan ti pamilya Villar. Sakop da dagiti 74 water districts kadagiti probinsya kas ditoy La Union, idiay Cavite, Bulacan, Pangasinan, Batangas, Tarlac, Camarines Norte, Subic, ken dadduma pay.
