BR LA UNION – Kinumpirma ti Palasyo a pina-imbestigaran ni President Ferdinand Marcos, Jr. iti reklamo dagiti customer ti kumpanya a PrimeWater gaputi maipagarop a nangato a panag-singir ngem nababa met iti kalidad ti serbisyo iti sumagmamano a lugar idiay Bulacan.
Segun kenni Palace Press Officer Usec. Claire Castro, awan ti lugar iti administrasyon Marcos Jr. dagiti agkur-kurang ti serbisyo.
Impaganetget ti Palasyo a karbengan ti publiko a maka-access iti nadalus ken umdas a suplay ti danum, ken saan a rumbeng nga usaren iti negosyo.
Kinuna ni Castro, iti pagkasapolan ti tao iti nadalus ken umdas a suplay ti danum ket maiparbeng ken saan a pang-negosyo, ngem ketdi nasken nga iyalikaka ti kasapolan dagiti umili.
Iti PrimeWater ket kumpanya a kukua ti pamilya Villar.
Segun kenni Castro, nasken nga umaksyon a dagus dagiti kumpanya tapno maresolba dagiti isyun nga irekreklamo dagiti apektado a customer.
