Pinaglibakan ni Presidente Ferdinand Marcos Jr. a puppet state ti Estados Unidos ken kadagiti kaalyado na iti Pilipinas.
Daitoy iti sungbat ti presidente iti waragawag ti China seknan iti kallabes a joint naval patrol ti India ken Pilipinas idiay West Philippine Sea.
Impaganetget ni Presidente Marcos a ti Pilipinas ket adda iti pakabukbukodan a foreign policy ken saan nga umak-aksyon para kadagiti sabali a pagilian.
Innayon na pay a trabaho ti Pilipinas a salakniban iti teritoryo na ken nu adda dagiti pagilian a mangayat a tumulong kas iti Estados Unidos, Japan, ken Australia ket apay kuma a pagkedkedan dagitoy?
Maipalagip a ti kaunaan a gundaway ket nangisayangkat ti maritime cooperation activity ti Philippine ken Indian Navies idiay WPS a naignet met a binabalaw ti China ken inawagan da pay iti India kas maysa a third party a saan met a rumbeng a makibiang iti tensyon ti nasao a kabaybayan.
Sakbayna ket agultuloy iti panangbabalaw ti China kadagiti defense cooperation ti Pilipinas kadagiti sabali a pagilian ken ibilbilang iti saritaan maipanggep ti West Philippine Sea kas paset iti nalawlawa a geopolitical tension kontra Estados Unidos – a nabayagen a kaalpayado ti Pilipinas ken addaan pay ti katulagan maipanggep ti depensa, partikular ti Mutual Defense treaty.
