Papapigsaen ni Presidente Ferdinand Marcos Jr. iti Technical Cooperation Council of the Philippines (TCCP) tapno mapalawa iti koordinasyon kadagiti dadduma a pagilian ken sabali nga estado.
Babaen ti Executive Order No. 115, nabilin ti TCCP nga ipatungpal ti programa a “Development Philippines,” a mangipaay ti technical assistance para kadagiti developing country.
Imatmaton ti Department of Foreign Affairs iti konseho, bayat a ti vice chair met ket ti Department of Economy, Planning, and Development.
Trabaho ti TCCP a siguraduen a nakalinya iti prayoridad ti gobierno dagiti programa ken teknikal a koordinasyon ti Pilipinas kadagiti sabali a pagilian.
Karaman kadagiti miembro ket ti Department of Agriculture, Department of Environment and Natural Resources, Department of Science and Technology, Department of Trade and Industry, Department of Health, Department of Migrant Workers, ken ti Technical Education and Skills Development Authority.
Maaddaan pay ti Technical Working Group a mangimaton para iti pannakaipatungpal ti programa.
