BR LA UNION – Mamati ni Pusong Pinoy Party-list Rep. Jett Nisay a saan a “Fit” a mangidaulo ti pagilian ni Pesident Ferdinand Marcos Jr.
Tinakderan ni Nisay a sufficient in substance iti impeachment complaint a naidatag kontra iti Presidente.
Impaganetget ni Nisay, a kabilang dagiti maiyak-akusar iti Presidente ket ti culpable violation of the Constitution, betrayal of public trust, ken graft and corruption.
Maibasar iti reklamo, maipagarop a linabsing ti agdama nga administrasyon iti Konstitusyon iti maipagarop a panang-bypass ti justice system, partikular iti isyu a pannaki-koordinar iti International Criminal Court (ICC).
Nadakamat pay iti reklamo ti maipagarop a pannakairaman ti Presidente iti isyu a panangipatulod kenni sigud a presidente Rodrigo Roa Duterte idiay ICC, nga inladawan dagiti complainant kas maysa a klase ti kidnapping ken pananglabsing iti soberanya ken karbengan iti due process.
Innayon pay dagiti complainant, napateg iti moral a sung-sungbatan ti gobyerno, nangruna iti panangusar ti pondo para kadagiti programa a makunkuna a mangpapigsa iti seguridad dagiti umili.
Karaman pay iti reklamo ti alegasyon seknan iti agtultuloy na problema iti ilegal a droga, a segun kadakuada ket saan nga epektibo a nasungbatan tim agdama nga administrasyon.
