Personal a sinarungkaran ni Presidente Ferdinand Marcos Jr. iti agtultuloy a medical mission ti Yaman ng Kalusugan (YAKAP) ken Kalinga Caravan ti Department of Education (DepEd) idiay Quezon City ita nga aldaw, Enero 9.
Daytoy nga inisiatiba ket kas panangtungpal iti commitment ti administrasion nga itandudo iti salun-at ken pakaseknan iti sektor ti edukasion kadua ti Philippine Health Insurance Corporation (PhilHealth), maysa nga addang a mangisilpo kadagiti klinika ti pagadalan kadagiti local health system.
Naipatungpal iti programa babaen ti comprehensive primary care package ti ahensia a Konsulta wenno ti (Konsultasyong Sulit at Tama) Program, a mangipapaay ti libre a medikal a konsultasion, laboratory tests ken agas.
Nagnumar dagiti nasurok 200 beneficiaries a buklen dagiti estudyante, mannursuro, ken nagannak dagiti serbision medikal, karaman ti PhilHealth registration, physical assessments, vision screening, laboratory tests babaen ti Lab-for-All mobile van nga indonar ti Office of the First Lady, medical consultations and free medicines.
Ipaspasigurado ti nasao a Caravan nga iti sektor ti edukasion ket maaddaan ti direkta ken nasaysayaat nga access kadagiti napapateg nga health services, babaen ti panangiasideg dagiti medikal a serbisio kadagiti pagadalan.###
