Imbilin ni Presidente Ferdinand Marcos Jr. iti pulisya ken dagiti dadduma a law enforcement agencies iti nainget ken dagos a pannakaipatungpal ti linteg tapno mapagsungbat dagiti karaman iti kaso dagiti mapukpukaw a mammallot.
Kenuna ni Palace Press Officer Undersecretary Claire Castro a nalawag iti direktiba ti Presidente nga ipatungpal iti agraraira a linteg, karaman iti dagus a panangarestar kadagiti addaan ti warrant of arrest.
Immunan a nangiruar ti arrest warrants iti Regional Trial Court ti Sta. Cruz, Laguna kontra kadagiti akusado karaman iti negosyante a ni Charlie Atong Ang iti kaso a kidnapping ken serious illegal detention mainaig iti panagpukaw dagiti sumagmamano a mammallot.
Dumanon ti 34 a sabungero iti naipadamag a mapukpukaw manipud 2021 aginggana 2022 a mapapati nga addaan pakainaiganna ti match-fixing wenno panagsaor iti pallot.
Inserbi iti kalman ti PNP iti warrant of arrest maibusor kenni Atong Ang ngem saan da daytoy a nakita.###
