Agtultuloy iti panangammo ti Philippine Coast Guard Northwestern Luzon iti pakabigbiggan ti foreign vessel a nakadungpar iti bangka dagiti mangngalap iti kabaybayan nga paset ti Candon City, Ilocos Sur idi pay Jan. 21, 2021.
Iti pannakiuman ti Bombo Radyo kenni ensign French Salayon, Public Information Officer ti Philippine Coast Guard Northwestern Luzon, naawatda ti nasao a pasamak no sadino 11 crew ken ti kapitan ti bangka a bin-eg a taga Bolinao, Pangasinan.
Maibasar iti palawag dagiti biktima, madama iti panangtarimaanda iti nadadael a bangka dagitoy idi makitada a sumungsungad ti dakkel a foreign vessel a nakadungpar iti kutit ti lugan da.
Dagus a naglalagto iti danom dagiti mangngalap apaman a madungpar daytoy ti foreign vessel a saan a nagsardeng kalpasan na.
Kumidkiddaw met ita ti hustisya dagiti biktima iti panangdaungpar kadakuada ti foreign vessel ken para iti pannakatirmaan ti lugan pangbaybay dagitoy nga agingga ti agdama ket saan pay nga ammo iti kabuklan a danyos.
