LA UNION – Impanakkel ni Commander Lauren Paul Mariano, deputy commander ti Coast Guard District Northwestern Luzon, iti kabarwanan a proyekto dagitoy tapno labanan dagiti iligal nga aktibidad iti kabaybayan, kas koma iti smuggling, makita dagiti aksidente, ken dadduma pay.
Kinuna iti Bombo Radyo La Union ni CDR. Mariano, saan pay a nalpas ken agtultuloy iti pannakaimuntar ti maaw-awagan a rapidly deployable surveillance camera, kadagiti strategic location iti coastline ti Northern Luzon, manipud Pangasinan agingga Pagudpud, Ilocos Norte.
Maysa daytoy a long range CCTV nga addaan ti kabaelan nga i-monitor ken i-zoom dagiti pas-pasamak iti kabaybayan agingga iti kaadayu a 5 nautical miles.
Segun kenni Mariano, target da a malpas iti nasao a proyekto agingga iti umuna a lawas ti Hunyo ita a tawen.
