Nasaripatpatan ti Philippine Coast Guard (PCG) ti maysa a chinese research vessel idiay West Philippine Sea kabayatan ti panangisayangkat ti maritime domain awareness patrol idi aldaw ti Sabado.
Segun kenni PCG Spokesperson for the West Philippine Sea Commodore Jay Tarriela, iti kangitingitan ti panagpatrolya ket nakita da ti Chinese research vessel a Xiang Yang HOng 05 ti kaadayu a 14.92 nautical miles manipud isla ti Babuyan. Nangisayangkat da iti radio challenge babaen ti PCG aircraft ngem awan iti nagbalin a sungbat ti research vessel.
Kinna ni Tarriela a sakbay ti insidente ket immunan a simrek ti Xiang yang Hong 05 iti Philippine exclusive economic zone ken pimmanaw metlaeng idi Hunyo 9. Intultuloy daitoy iti marine scientific research diay Pacific Ocean sakbay a simrek manen iti EEZ idi Hulyo 31.
Kabayatanna, nakita manen iti kapada a barko idi kallabes a Dominggo ti bigat ti kaadayo nga 86 nautical miles manipud Calayan Island idiay Cagayan babaen ti Automatic Identification System (AIS).
Impaganetget manen ti PCG nga agtalinaed da a nakamonitor tapno masalakniban ti maritime jurisdiction ti Pilipinas ken pagtalinaeden ti kinatalged ken seguridad maibusor kadagiti foreign vessels a mangisaysayangkat kadagiti saan nga otorisado ken ilegal a maritime activities.
