LA UNION – Nagdeploy iti Philippine Coast Guard ti rigid hull inflatable boats (RHIBs) manipud BRP Teresa Magbanua tapno tulungan iti Bureau of Fisheries and Aquatic Resources (BFAR) nga agibunong ti fuel assistance para kadagiti mangngalap a Pilipino idiay Sabina shoal idiay West Philippine Sea.
Maiyannurot daytoy iti direktiba ni PCG Commandant Admiral Ronnie Gil Gavan iti PCG District Palawan nga addaan tarigagay a maka-access iti langis dagiti mangngalap kabayatan nga adda da iti offshore fishing grounds nga awan ti pannakibiang iti siasinuman a partido, kabilang iti Chinese Coast Guard.
Imbinglay ni PCG spokesperson for the West Philippine Sea Jay Tarriela iti X account na a nangipaay ti security, safety, ken facilitation assistance iti inflatable boats ti PCG iti aktibidad ti BFAR.
Epektibo pay kunana a nalapdan ti inflatable boats iti panaggandat ti Chinese Coast Guard a makaasideg iti BFAR vessels
Iti nasao nga addang ti PCG ket paset ti napalawa nga inisyatibo a maaw-awagan ti “Bayanihan sa Karagatan,” a mangipaganetget iti kinapateg ti maysa a “One Nation Engagement at Sea” (ONE at Sea) approach tapno maprotektaran iti interes ti pagilian idiay West Philippine Sea.
