Nakafull alert status ti Philippine Coast Guard, Northwestern Command gaputi posible a panagduprak ti Super Typhoon Egay ditoy Rehiyon Uno.
Nangbukel met ti Philippine Coast Guard iti deployable response group a nakasagana ti posible a pannakadeploy da dagitoy, Pakairaman ti medical unit, special operating unit ken sabali pay a training personnel.
Nakikoordinar da metten ti Provincial Disaster Risk Reduction Management Council, City Disaster Risk Reduction Management Council,Municipal Disaster Risk Reduction Manangement Council karaman pay iti Barangay Disaster Response.
Karaman a naka alerto ti Philippine Coast Guard dagiti stations ken sub stations personnel da.
Sakbay ti posible a panagduprak ti super typhoon nangiganuat da ti information drive babaen ti panangibunong iti flyers kadagiti fisherfolks ken beach goers tapno maballaagan ida iti umno nga aramiden nu kastoy nga adda ti pangta ti dakes a paniempo.
Nangiganuat pay ti mobile ken foot patrolling kadagiti coastal municipalities ken barangays ditoy probinsya ti La Union.
Nakasagana metten dagiti assets a posible nga usaren ti operasyon, Adda ti pakabuklan a pito nga deployable response group a buklen ti 10 man team.
Adda pay ti tallo a land assets,lima a water assets karaman ditoy ti aluminum boats ken rubber boats, nakasagana metten ti rescue equipments kas iti life jackets,rescue rope ken daduma pay a mabalin nga aramaten ti operasyon.
Babantayan met ti PCG dagiti coastal municipalities ditoy probinsya a pakaibilangan ti San Fernando,San Juan,Bacnotan,Luna,Balaoan,Bangar,Bauang,Caba,Agoo,Aringay Sto. Tomas ken Rosario.
Ti Provincial Coast Guard La Union ket adda ti pito a sub stations, dagitoy ket idiay Aringay,Sto Thomas,Agoo,Caba,San Juan,Luna ken Bangar ken dua a clearing outpost a masarakan idiay Bauang ken San Fernando.
Agtultuloy met ti panagballaag ti Philippine Coast Guard nangruna dagiti mangngalap a saanen a gandaten pay ti tumapog ti kabaybayan.
Iti bagyo egay ket agtultuloy a mangipapaay ti napigsa a tudo ken angin iti dackel a paset ti pagilian partikular iti Northern Luzon.
Daytoy nupay nagsubli iti kategorya na a Typhoon manipud iti sigud a Super Typhoon idi kalman.
Manamnama nga in-inut a kumapsot ti bagyo iti pakabuklan a forecast period wenno iti sumaganad nga oras, agingga a rumuar iti Philippine Area of Responsiblity inton rabii wenno inton bigat, aldaw ti Huwebes.
Nupay kasta, agtultuloy a mangipaay ti panagtudtudo iti southwest monsoon wenno habagat.
