Inwaragawag ti Presidential Communications Office (PCO) a mangilunsad daytoy ti maysa a website wenno online platform no sadino mabalin nga i-report ti publiko iti agwarwaras a fake news iti social media ken dadduma pay a digital channels.
Segun kenni Palace Press Officer Undersecretary Claire Castro, saan a palabsen ti ahensia iti panagwaras ti biddut nga impormasion ken mangipila ti maitutop a kaso kontra kadagiti mapaneknekan nga adda ti pagsungsungbatan-na.
Immuna nga inlunsad ti PCO iti “Oplan Kontra Fake News” ken Anti-Fake News Desk tapno umawat ti report manipud iti publiko. Nakitinnulong met dagiti siam a kangrunaan a media outlets tapno papigsaen iti kampanya kontra iti misinformation.
Kenunana met ni PCO Secretary Dave Gomez a panggep ti inisyatiba nga isaknap iti pudno nga impormasion, ken papigsaen iti media literacy.
Kabayatanna, in-refer ti PCO iti Department of Justice dagiti sumagmamano a fake news posts para iti imbestigasyon, kangrunaan dagiti mainaig iti isyu ti enerhiya ken biddut nga impormasion maipanggep iti First Family.
Impaganetget ti PCO nga awan ti kinapudnona dagiti damag maipapan iti salun-at ti Presidente ken maipagarup a kaawan ti aksion ti gobierno.###
