Nagpakdaar ti Presidential Communications Office (PCO) kontra iti panagsaknap ti biddut nga impormasyon mainaig iti kasasaad ti enerhia ditoy pagilian.
Segun kenni Secretary Dave Gomez, adda ti pagsungbatan legal iti sinoman a sadya nga agar-aramid ken mangiwarwaras ti fake news, nga addaan ti dusa pannakakulong ken nadagdagsen no inaramid online.
Impaganetgetna a dadaelen ti disinformation iti panagtalek ti publiko, apektaranna iti ekonomia, ken mangipaay-peggad kadagiti umili.
Kenunana pay a nadagsen a basol ti panangallilaw maipapan iti seguridad, suplay, ken presio ti enerhia, nangruna no adda personal wenno politikal nga interes.
Makitinnulong iti PCO iti Department of Justice tapno kamaten dagiti karaman ken napaingetan ti social media monitoring kontra iti organisado a disinformation.
Maparegta iti publiko nga agpannuray laeng iti opisial nga impormasion ken responsable iti panangibinglay kadagiti damag tapno maliklikan ti pannakadadael.###
