LA UNION – Pattien ti Phil. Drug Enforcement Agency (PDEA) Region One, a naigagara a naimula dagiti marijuana manipud iti nalawa a disso idiay Tacadang Kibungan, Benguet.
Iti pannakiuman ti Bombo Radyo La Union kenni PDEA Public Information Officer Bismark Bengwayan, kinunana a nadlaw da a nataripato dagiti iligal a mula, agsipudta nakakita da pay ti hose a pattien da nga us-usaren dagiti cultivator a pagsibog.
Maipalagip a dumanon iti 8,100 a pinuon ti marijuana ken 10-k a seedlings, nga agbalor ti nasurok P2.2-M iti dinadael dagiti otoridad kalpasan ti insayangkat dagitoy nga operasyon iti makunkuna a plantasyon idiay Tacadang Kibungan, Benguet.
Agingga iti agdama, saan pay a nabigbig dagiti suspek ken awan pay met ti naarestar nga agmulmula ti marijuana.
