Dagus nga inpatungpal ti Provincial Disaster Rist Reduction and Management ti panaglikmot kadagiti amin nga LGU’s kas panangtungpal iti derektiba ni Gov. Raphaelle Veronica “Rafy” Ortega-David tapnu makita dagiti nadadael iti gingined tapnu maamwan iti pagkasapulan ken kasasaad dagiti umili ditoy La Union.
Narikna ti Intensity VI wenno Very Strong a gingined no sadino nakita dagiti nagrikka a paset iti simbaan, rangtay, ken nadadael iti bypass road; agpaman a panagngato ti lebel ti danom; landslide ken pannakarippuog dagiti maar-aramid nga pasdek .
Maibasar iti assesment ket awan iti nailista a natay wenno nakaro a nasugatan numan uppat iti nailista nga injured.
Dagiti adda kadagiti evacuation area a kas iti ili a Bangar ket naikikan iti taraon, mainom ken ken agas babaen iti lokal a gobierno idinto a nagsubli metten dagiti nagbakwir manipud iti Munisipalidad ti Luna, Santol, ken Bagulin kadagiti bukodda a pagtaengan kalpasan nga inpakaammo ti National Disaster Reduction and Management Council nga awan iti pangta ti Tsunami.
Kabayatanna, agtultuloy latta nga naka alerto dagiti medical, frontine ken rescue operations team ti Provincial Government iti La Union iti sitwasyon.
