Immuna iti pelikula a “Sinners” kadagiti adda ti kaadduan a nominasion para ti Academy Awards wenno Oscars.
Iti inruar a listaan dagiti organizer ti Oscars Awards ket addaan daytoy ti pakabuklan nga 16 nominations.
Daytoy met ti kaunaan a pelikula iti pakasaritaan ti Oscars nga addaan ti kaadwan a nominasion.
Karaman kadagiti nailista ti nasao a pelikula ket ti best actor, best picture, best supporting actress ken dadduma pay.
Sinaruno daytoy ti pelikula nga “One Battle After Another” nga addaan ti 13 a nominasion, sinaruno ti “Marty Supreme:, “Frankenstein”, “Sentimental Value”, ken ”Hamnet”.
Dagiti nominado ti best actress ket pakairamanan da: Jessie Buckley manipud ti pelikula nga “Hamnet”; Rose Byrne- “If I Had Legs I’d Kick You” ; Kate Hudson ti “Song Sung Blue”; Renate Reinsve ti “Sentimental Value”, ken Emma Stone iti pelikula a “Bugonia”.
Bayat nga iti best actor ket nominad isuda Timothée Chalamet (Marty Supreme), Leonardo DiCaprio (One Battle After Another), Ethan Hawke (Blue Moon), Michael B Jordan (Sinners), ken Wagner Moura (The Secret Agent).
Maangay ti Academy Awards ceremony inton Marso 15 idiay Los Angeles.###
