LA UNION – Suspendido pay laeng iti panangipataw ti penalties kadagiti aglabsing iti Number Coding Scheme, a nangrugi a maiyemplementar ditoy syudad ti San Fernando idi Disyembre uno agdama a tawen.
Daytoy ti pinatalgedan iti Bombo Radyo La Union ni Col. Virgilo Pascua, dadaulo iti Office for Public Safety (OPS).
Inlawlawag ni Col. Pascua a dagiti matiliw da a violators iti Number Coding Scheme ket ipapaayan da pay laeng ti warning, ngem saanen a makalusot dagitoy iti penalties inton naan-anay a maipatungpal ti baro a paglintegan iti trapiko, iti sumaruno a bulan.
Tarigagay da a naan-anay a maimpormaran dagiti motorista, kangrunaan na dagiti private vehicles a pakaipatungpalan ti Number Coding Scheme.
Iti agdama segun kenni Col. Pascua, isap-sapinal da iti launen ti recommendation for exemption iti nasao nga ordinansa, agsipudta saan a karaman ditoy dagiti kameng ti media ken frontliners.
