LA UNION – Dimmackel pay iti kantidad ti perdisyon nga imbati ti bagyo Kristine iti sektor ti agrikultura.
Maibasar iti naudi a report nga inruar ti Department of Agriculture – Disaster Risk Reduction and Management Operations Center itay malem (Nov. 2), umaboten iti P5.75 billion ti balor ti perdisyon iti naduma-duma nga industriya kas iti pagay, mais, high value crops, fishpond, poultry, makinarya, ken agricultural infrastracture.
Apektado met iti pakabuklan a 131,661 a mannalon ken mangngalap bayat a pakabuklan a 109,871 nga ektarya a mula ken popokan iti naapektaran.
Dumanon met iti 557,851 a metriko tonelada nga agri products iti nailista a nadadael.
Manipud iti nasurok P5.7 billion a damages iti agrikultura, iti pagay ti kadackelan ti danyos a dumanon iti P4.25 billion.
Sumaruno iti mais nga addaan ti perdisyon nga umabot iti P72.15 million. Iti nasao a kantidad ket ket nailista iti dadduma pay nga industriya.
Namnamaen nga agbaliw pay ti nasao a datus gapu iti agtultuloy nga assessment ken validation kadagiti lugar a dinadael iti naglabas a bagyo.
