LA UNION – Addan ti natukoy a ‘person of interest’ iti pulisya maipapan iti napasamak a pangserrek ken panagtakaw iti uneg ti opisna iti tallo a financial corporations ti KGT Building idiay Barangay San Antonio, ili ti Agoo, La Union.
Sigun kenni C/Ins. Roy Villanueva, hepe ti Agoo Police Station, agtultuloy iti panangsapulda kadagiti natitibker nga ebidensya tapno maammuan iti pakainaigan iti ‘person of interest’ ti nasao nga insidente.
Immuna iti daytoy, idi kalman ti agsapa ket nadiskore dagiti empleyado dagiti nasao nga opisina a dinadael ti agtatakaw dagiti padlocks iti ruangan ken mapukpukaw dagiti nakadulin a kwarta nga umabot iti P56,000. (Abs Flores)
