Nangipakita ti positibo a resulta iti personalized cancer treatment a mangus-usar iti messenger ribonucleic acid (mRNA) technology kalpasan a bimmaba ti 49 porsiento iti peggad ti panagsubli ti cancer wenno pannakatay kadagiti naopera a pasiente nga addaan ti high-risk melanoma.
Iti five-year follow-up ti Phase 2b KEYNOTE-942 trial, 59 porsiyento met a naksayan iti peggad ti panagwaras ti cancer wenno pannakatay kadagiti nakaawat ti intismeran autogene karaman iti pembrolizumab o KEYTRUDA, maiyarig iti KEYTRUDA laeng.
Karaman iti panagadal dagiti 157 a pasyente nga addaan ti stage 3 wenno stage 4 melanoma a naipasidong iti kumpleto nga operasion tapno ikkaten iti cancer.
Ti intismeran autogene ket maysa a personalized therapy nga agus-usar ti synthetic messenger ribonucleic acid maibasar iti genetic mutations ti tumor tapno sanayen dagiti T cells a mangbigbig ken atakaren dagiti cancer cells.
Nupay kasta, saan pay nga standard therapy iti nasao a panagadal, bayat nga agtultuloy ti Phase 3 INTerpath-001 trial ken dadduma pay a panagadal para iti melanoma ken dadduma pay a klase ti cancer.###
