Kas paset iti panagsagana iti in-inot a panaglukat iti industriya iti turismo ditoy probinsiya iti La Union, tuloy-tuloy ti panangipaay ti Provincial Government of La Union iti Health and Safety Kits kadagiti naduma-duma a tourism enterprises idiay ili iti San Juan ken syudad iti San Fernando, La Union.
Ti nakalap nga impormasyon ti Bombo Radyo La Union manipud iti Provincial Government, 198 kits dagiti manamnama a bilang dagiti maipaay kadagiti nagduduma a tourism enterprises ditoy probinsiya.
Gagem daytoy a maipanamnama iti kinatalged dagiti empleyado ken dagiti bisita kadagiti naduduma a business establishments nangnangruna ta dagitoy iti turongen dagiti turista.
Iti agdama, tuloy- tuloy ti panagsagana iti Provincial Government ken Provincial Information and Tourism Office iti isasangpet dagiti turista manipud syudad iti Baguio nga iti kabiitan a panawen ket makabisita ditoy La Union.
