LA UNION – Mangputputar iti recovery plan ti lokal a gobyerno ti La Union tapno matulongan iti sektor ti turismo a naappog iti dandani tallo a bulan a community quarantine gapwanan ti COVID 19 crisis.
Iti interview ti Bombo Radyo La Union kenni Provincial Tourism and Information Officer Adamor Dagang, kinuna na nga iti estimated da iti DoT Region One Office a tourism losses iti probinsiya ket nasurok P124 milyon piso.
Kinuna na, P83-M ti lugi kadagiti nagrikep a tourism establishments bayat a P41-M ti pukaw manipud kadagiti turista nga agturturong ditoy, nangruna iti peak season manipud bulan ti Pebrero agingga Mayo.
Umabot met iti 1,756 nga empleyado iti napukawan ti trabaho iti panagsardeng ti operasyon dagiti hotel, resorts and restaurants, malaksid laeng kadagiti contractual employees ken suppliers dagitoy.
Gaputi dayta, mangar-aramiden ti addang ti Provincial Government ti La Union tapno tulongan itisektor ti turismo ken makissayan iti dackel nga epekto ti COVID 19 pandemic.
