PGLU, nangipaay ti dingwen ken feeds kadagiti mannalon a naapektaran ti ASF idiay Luna, La Union

Nangipaay ti Provincial Government of La Union (PGLU) babaen ti Office of the Provincial Veterinarian (OPVet), ken iti Department of Agriculture-Regional Field Office 1, Iti 45 a baboy ken 105 a Sako ti feeds kadagiti naapektaran a mannalon manipud Luna, La Union.

Daytoy ket panangipakita ti suporta kadagiti agtartaraken iti baboy a naapektaran iti panagraira ti African Swine Fever (ASF).

kanayonanna, sakbay ti pannakaiwaras dagitoy nagkolekta ni Dr.Jaime B. Rulloda, Veterinarian IV, iti blood sample dagiti baboy,tapno maeksamin iti ASF ken Porcine Respiratory and Reproductive Syndrome, ngem nagresulta a negatibo dagitoy.

Kabayatanna, naipaay ti tulong kas paset ti Calibrated Repopulation-Implementation of Sentinel Protocol CY 2023, babaen iti nagtitipon nga PGLU ken DA,nga addaan panggep a mataginayon ti probinsiya nga awan iti maapektaran ti African Swine Fever (ASF).