LA UNION – Patas ken balanse iti panang-suporta ti Provincial Government kadagiti makunkuna nga historical ken emerging tourism sites ditoy probinsiya ti La Union.
Iti pannakiuman ti Bombo Radyo kenni Provincial Information and Tourism Officer Adamor Dagang, dackel ti maitultulong ti turismo iti panagdur-as iti ekonomiya ti probinsiya, isutgapuna a sup-suportaran da ti improvement iti heritage and agri-tourism, echo-tourism ken adventure tourism.
Kinuna na nga ita a tawen ket tutukan da iti dadduma pay nga emerging tourism site, a mangnayon iti panagdur-as ti turismo.
Immunan a kinuna ni Dagang nga agtaltalinaed a naganaygay ti turismo ditoy La Union, iti laksid dagiti naduma-duma nga isyu a sangsangwen ti pagilian, kas koma iti panagsaknap ti sakit a COVID-19 ken African Swine Fever.
Impanakkel ni Dagang nga idi napan a tawen 2019 ket ngimmatu ti 3% iti tourist arrival a 660,000 kumpara iti 657,000 idi 2018.
Dinakamat na pay dagiti tallo a major pilgrimage sites ditoy probinsiya, a kanayun a turongen dagiti Catholic devotees ken turista tunggal madanon ti kuwaresma.
Kabilang dagiti ancient churches a napnuan pakasaritaan ket iti Holy Guardian Angels Parish Church and Shrine of Nuestra Señora del Mar Cautiva idiay ili ti Santo Tomas; Basilica Minore of Our Lady of Charity idiay ili ti Agoo; ken iti milagroso a Namacpacan Church wenno St. Catherine of Alexandria Parish idiay Luna, La Union.
