Impaay ti Pilipinas ti visa-free entry para kadagiti turista ken gangganaet manipud India.
Daitoy ket paset ti addang ti gobierno a mapasayaat ti turismo ken mapauneg payti relasyon ti nasao a pagilian.
Manipud ita a Dominggo, mapalubosanen dagiti gangganaet nga Indian nga agtalinaed ditoy pagilian uray awan ti visa da ti las-ud ti dua a lawas, segun iti Department of Foreign Affairs (DFA).
Makiddaw kadagiti turista nga ipresentar dagiti valid passport da a saan a bumaba ti innem a bulan a lagpas ti panagtalinaed da ti pagilian, confirmed hotel booking, proof of financial capacity, ken ticket nga agsubli iti sumaruno a destinasyon.
Dagiti Indian citizens nga addaan ti valid ken agdama nga American, Japanese, Australian, Canadian, Schengen, Singapore or United Kingdom (AJACSSUK) visas wenno residence permits ket mabalin nga agtalinaed ditoy pagilian nga awan ti visa na ti las-ud ti 30 ga aldaw ken kasapulan a mangipresentar ti valid passport a saan a bumaba ti innem bulan a lagpas ti panagtalinaed da ken ticket pasubli ti sumaruno a destinasoyn da.
Dagiti kwalipikado nga Indian nationals para ti e-Visa ket mabalin pay nga ag-apply babaen ti opisyal a website ti Philippine e-Visa nga evisa.gov.ph nu sadino ket saanen a mabalin nga i-extend wenno i-convert pay ti sabali a klase ti visa wenno sabali pay nga admission status categories.
