LA UNION – Manarimaanen iti panangidiskarga kadagiti tone-tonelada a relief goods a naikarga iti barko ti Philippine Navy a BRP Davao del Sur a nakaangkla idiay idiay Cagayan.
Kinuna ni Lt. Jaypee Abuan, spokesperson ti Naval Forces Northern Luzon, ikagumaanda a maidiskarga ken maiwaras dagiti nasao a tulong iti kabiitan a panawen para kadagiti nagbalin nga apektado ti napalabas a kalamidad.
Sigun kenni Abuan, makikoordinarda kadagiti lokal a gobyerno tapno napartak a maidanon dagiti relief goods kadagiti residente.
Impanamnama met ti Philippine Navy a maiwaras a naimbag dagiti donasyon a naggapu manipud kadagiti kakailyan a timmulong.
