LA UNION – Dakkel a gundaway para kadagiti Filipino surfers a makagun-od iti balitok a medalya iti umadanin a surfing competition ti SEA Games idiay ili ti San Juan, La Union.
Iti pannakiuman ti Bombo Radyo kenni Ian Saguan, coach ti Philippine Team, kinunana a bentahe dsagiti Filipino surfers ti paay-ayam gapu ta ditoy pagilyan a maangay ti kompetisyon.
Aganay dua met a bulan iti inaramidda a panagsagana agingga a sumangbay ti paay-ayam.
Dakkel met a tulong kinunana dagiti nakipasetanda a surfing competition a naangay ditoy pagilyan sakbay ti SEA Games.
Ti Team Pilipinas a sumabak iti nasao a paay-ayam ket bukbuklen iti pito a surfers no sadino ket tallo kadagitoy ket taga La Union ken uppat met ti nagtaud idiay Sariagao.
