LA UNION – Nagkari nga agbinnuling iti Phil. Army (PA) ken Phil. National Police (PNP) tapno papigsaen iti law enforcement operations kontra iti CPP-NPA iti Northern Luzon.
Segun kenni Major General Alfredo V. Rosario Jr., mangidadaulo ti Directorate of Integrated Police Operations Northern Luzon (DIPO-NL) ti 7th Infantry Division, Philippine Army, papigsaen da iti operasyon dagitoy tapno parmeken dagiti miyembro ti CPP-NPA kangrunaan na dagiti sumangsango iti nagduduma a kaso iti Northern Luzon.
Daytoy ket kasaruno metten iti pannaka-kemmeg iti sumagmamano a kameng ken high ranking members ti grupo itay nabiit.
Maipalagip nga idi Disyembre 4 agdama a tawen, naarestar iti lider ti Regional White Area Committee (RWAC) iti Central Luzon Regional Committee (CLRC) ti NPA, a nabigbig iti nagan nga Jose Bernardino nga agus-usa ti nagduduma nga aliases kas Rico/Oying/Raffy/Randy ken code name nga Ali.
Naarestar daytoy babaen iti nagtipon a puwersa ti Phil. Army ken PNP, maiyannurot iti Warrant of Arrest nga impaulog ni Judge Paul Attolba Jr. ti Regional Trial Court Branch 30 Nueva Vizcaya idiay Barangay Sapang, Maisac, Mexico, Pampanga.
Iti nasao met laeng nga aldaw, natay iti maibilang a high ranking member a nabigbig iti alias Bo/Bert/Roman ken makunkuna a finance officer ti communist terrorist group, nga agop-operate idiay Tarlac ken Zambales provinces, ken sumangsango iti multiple charges, kalpasan a limmaban kadagiti otoridad bayat iti panangiserbi iti Warrant of Arrest idiay Barangay Moriones, San Jose, Tarlac.
Malaksid dayta, target pay iti PA ken PNP a maisardengen iti ar-aramiden a recruitment activities iti rebelde a grupo.
