LA UNION – Nakailista iti dua a baro a recoveries iti COVID 19 ti syudad ti San Fernando idi kalman, Oktubre 28.
Kas panangkumpirma ti City Health Office, dagiti dua a recoveries ket isuda Patient #169 ti Barangay Carlatan ken Patient #203 tiu Barangay Sevilla.
Napalubosan metten dagitoy a makaawid iti babbalay da, ngem nasken a maipasidong pay laeng dagitoy iti strict home quarantine.
Nupay kasta, nakailista met ti syudad iti maysa a baro a kaso ti CoViD-19.
Daytoy ket ni Patient #210, maysa a 28 anyos a lalaki, tubo ti Santiago City, Isabela, ken maysa a kameng ti Philippine Coast Guard a temporaryo nga agnanaed iti Barangay Poro.
Asymptomatic ti pasyente ken awan ti exposure na iti siasinuman a positive patient.
Kagiddan ti panag-positibo na iti sakit a COVID 19, dagus a naipatungpal dagiti maiparbeng nga addang iti nasao a pasyente, tapno saan a makaakar iti sabali pay a tao, kas iti dagus a pannakaipasidong na iti isolation facility.
