LA UNION – Nangipaay ti Naval Forces Northern Luzon (NFNL) iti relief goods kadagiti aganay 43 nga indibiduwal idiay Barangay Bariquir, Naguilian, La Union.
Daytoy ti naamwan ti Bombo Radyo La Union kenni Lt. Geraldson Pascual manipud iti Public Information Office ti Phil. Navy Northern Luzon.
Segun kenni Pascual, kangrunaan nga impaayan ti food packs ket dagiti residente a nagsardeng ti panag- trabaho da gaputi maipatpatungpal nga ECQ a gapwanan ti COVID 19 pandemic.
Kinuna pay ni Pascual a panangtulong metten daytoy iti gobyerno iti programa da a tulongan dagiti agkasapolan ita a panawen ti krisis.
Naamwan a nagtaud iti bukod a bulsa dagiti kameng ti Phil. Navy, iti pinaggatang da kadagiti naibunong a relief goods.
