Nagtulag iti PhilHealth ken ti Healthway Medical Network (HMN), maysa a major healthcare provider iti panangpapigsa iti Universal Health Care (UHC) ti pagilian.
Segun kenni Paolo Borromeo, President ken CEO ti AC Health (Ayala Healthcare Holdings Inc.), babaen ti nasao a partnership, nalaklaka kadagiti pasyente iti pannakagun-od kadagiti benepisio ti PhilHealth ken panag-avail dagiti nalaka nga agas.
Inpasigurado met ni PhilHealth President ken CEO Dr. Edwin Mercado a sungsungbatan dan dagiti problema kadagiti sumagmamano a YAKAP clinics kangrunaan ta agtultuloy a manaynayunan iti bilang dagiti klinika.
Segun kenni Dr. Valerie Gilbert Ulep, senior research fellow ti Philippine Institute for Development Studies (PIDS), rumbeng a palawaen ti PhilHealth dagiti programada nupay dakkelen iti nagbalin a development daytoy iti panangtulong kadagiti ad-ado a pasyente a Pilipino.
Inpasigurado met ti PhilHealth iti puspusan a panangipatungpal ti enhanced benefits para kadagiti Pilipino.###
